حضرت یحى علیہ السلام خدا وند متعال کے ایک عظیم پیغمبر تھے اور ان کى خصوصیات میں سے ایک یہ تھى کہ وہ بچپن میں مقام نبوت پر فائز ہو ئے، خدا وند متعال نے انھیں اس سن و سال میں ایسى روشن عقل اور اتنى تا بناک فہم وفراست عطا فرمائی کہ وہ اس عظیم منصب کو قبول کرنے کے لائق قرار پائے _
بہر حال منابع اسلامى اور منابع مسیحى سے معلوم ہوتا کہ حضرت یحى علیہ السلام حضرت عیسى علیہ السلام کى خالہ کے بیٹے تھے_
منابع مسیحى میں تصریح ہوئی ہے ،کہ حضرت یحى علیہ السلام نے حضرت عیسى علیہ السلام کو غسل تعمید دیا اور اسى لئے انھیں ''یحی تعمید دہندہ''کے نام سے پکارتے ہیں ،(غسل تعمید ایک مخصوص غسل ہے کہ جو عیسائی اپنے بیٹوں کو دیتے ہیں_
اور ان کا عقیدہ یہ ہے کہ وہ اسے گناہ سے پاک کرتا ہے)اور جب حضرت مسیح علیہ السلام نے اعلان نبوت کیا تو حضرت یحى علیہ السلام ان پر ایمان لائے _
حضرت یحعلیہ السلام اور حضرت عیسى علیہ السلام میں بعض چیزیں قدر مشترک تھیں ،انتہائی زیادہ زہد و تقوى ،کچھ اسباب کى بناء پر ترک ازدواج ،معجزانہ طورپر پیدا ہونا اور اسى طرح بہت ہى زیادہ قریبى نسب_(1)
''یحی''''حیوة'' کے مادہ سے ہے اور اس کا معنى ہے ''زندہ رہتا ہے''اور یہ اس عظیم پیغمبر کا نام رکھا گیا تھا ،زندگى سے یہاں مراد مادى اور معنوى دونوں طرح کى زندگى ہے جو ایمان ،منصب نبوت اور خدا سے ربط کے زیر سایہ ہو ،سورہ مریم کى ایت7/ سے معلوم ہوتا ہے کہ خداوندعالم نے حضرت یحى علیہ السلام کى پیدائشے سے قبل ہى یہ نام ان کے لئے انتخاب فرمایا تھا _
''اے زکریا ہم تجھے ایک فرزند کى بشارت دیتے ہیں جس کانام یحی ہے اور قبل از ایں کسى کا یہ نام نہیں تھا _''
(1)اسلامى روایات سے معلوم ہوتا ہے کہ حضرت امام حسین علیہ السلام اور حضرت یحى علیہ السلام میں بھى بعض باتیں مشترک تھیں ،لہذا اما م على بن الحسین زین العابدین علیہ السلام نے اس طرح نقل ہے کہ اپ (ع) نے فرمایا: ہم امام حسین علیہ السلام کے ساتھ (کربلا کى طرف جاتے ہوئے )باہر نکلے تو ا مام جس منزل میں نزول اجلال فرماتے یا اس سے کوچ کرتے تو یحی علیہ السلام اور ان کے شہید ہونے کو یاد کرتے اور فرماتے کہ خدا وند تعالى کے نزدیک دنیا کى بے قدرى کے لئے یہى کافى ہے کہ یحی بن زکریا علیہ السلام کا سر بنى اسرائیل کے بدکاروں میں سے ایک بد کار کے پاس ہدیہ کے طورپر لایا گیا _
