انہوں نے حضرت صالح کو غیر موثر بنانے کے لئے یا کم از کم ان کى باتوں کو بے تاثیر کرنے کے لئے ایک نفسیاتى حربہ استعمال کیا وہ آپ کو دھوکا دینا چاہتے تھے ، کہنے لگے :''اے صالح اس سے پہلے تو ہمارى امیدوں کا سرمایہ تھا _''(1)
مشکلات میں ہم تیرى پناہ لیتے تھے، تجھ سے مشورہ کرتے تھے، تیرے عقل وشعور پر ایمان رکھتے تھے، اور تیرى خیر خواہى اور ہمدردى میں ہمیں ہرگز کوئی شک نہ تھا _
لیکن افسوس کہ تم نے ہمارى امیدوں پر پانى پھیردیا ،دین بت پرستى کى اور ہمارے خدائوں کى مخالفت کرکے کہ جو ہمارے بزرگوں کا رسم ورواج تھا اور ہمارى قوم کے افتخارات میں سے تھا تونے ظاہر کردیا کہ تو بزرگوں کے احترام کا قائل نہیں ہے نہ ہمارى عقل پر تمہیں کوئی اعتماد ہے اور نہ ہى تو ہمارے طور طریقوں کا حامى ہے _''کیا سچ مچ تو ہمیں ان کى پرستش سے روک دیناچاہتا ہے جن کى عبادت ہمارے آبائو اجداکیا کرتے تھے_''(2)
(1)سورہ ہودآیت62
(2) سورہ ہودآیت 62