عام طور پر دیکھا جاتاہے کہ مغرور دولت مند لوگ طرح طرح کے جنون میں مبتلا ہو جاتے ہیں_ ان میں سے ایک نمائشے ثروت کا جنون ہے_ انھیں اس عمل سے خوشى حاصل ہوتى ہے کہ اپنى دولت کا لوگوں پر اظہار کریں_ مثلاًیہ کہ وہ اپنى گراں قیمت سوارى پر سوار ہوکے نکلیں اور برہنہ پا لوگوں کے درمیان سے گزریں_ان کے منہ پر گرد و غبار ڈالتے جائیںاور ان کى تحقیر کرتے جائیں_ انھیں اس عمل سے تسکین ہوتى ہے_
لیکن دولت کى یہى نمائشے ان کے لئے بلائے جان بن جاتى ہے_ کیونکہ لوگوں کے دلوں میں ان کے خلاف کینہ پرورش پانے لگتا ہے اور جذبات نفرت پیدا ہوجاتے ہیں_ اور اکثر ایسا بھى ہوتا ہے کہ یہى شرمناک اور مکروہ عمل ان کى زندگى کو ختم کردیتا ہے یا ان کى دولت کو برباد کردیتا ہے_
ممکن ہے کہ اس جنون آمیز عمل کا نتیجہ کسى قسم کى تحریک ہو_مثلاًلالچى افراد میں مزید دولت حاصل کرنے کى ہوس میں اضافہ ہو_اور سرکش لوگوں میں فرمانبردارى کے جذبات پیدا ہوں_مگر اہل ثروت،نمائشے دولت کے عمل کو اس تصورکے بغیر انجام دیتے ہیں_درحقیقت ان کا عمل بھى ایک قسم کى ہوس ہوتاہے_اس میں کسى سوجھ کا کوئی دخل نہیں ہوتا_
بہر حال قارون بھى اس قانون سے مستثنى نہ تھا_ بلکہ جنون نمائشے ثروت کا ایک واضح نمونہ تھا_ قرآن میں ایک جملے کے ذریعے قارون کى اس کیفیت کو بیان کیا گیا ہے:''قارون پورى زیب و زینت سے اپنى قوم کے سامنے نکلا''_(1)اس نے اپنى پورى قوت اور توانائی اس کام پر صرف کردى تھى کہ وہ اپنى تمام دولت و آرائشے کى لوگوں کے سامنے نمائشے کرے اور یہ بات محتاج ذکر نہیں کہ اتنى دولت کا مالک شخص جب نمود حشمت کا ارادہ کرے تو وہ کیا کچھ کر سکتا ہے_
کتب تواریخ میں اس واقعے کے متعلق بہت سے افسانے اور داستانیں ذکر ہوئی ہیں_بعض مو رخین نے لکھا ہے کہ قارون چار ہزار خادموں کى قطار کے ساتھ بنى اسرائیل کے درمیان سے گزرا،جبکہ چار ہزار خادم گراں قیمت گھوڑوں پر سرخ پوشاکیں پہنے ہوئے سوار تھے_اس کے ساتھ خوش گل کنیزیں بھى تھیں جو سفید خچروں پر سوار تھیں جن پر سنہرى زین کسے ہوئے تھے_ ان کى پوشاکیں سرخ اور سب سونے کے زیورات پہنے ہوئی تھیں_بعض لوگوں نے اس کے خادموں کى تعداد ستر ہزار لکھى ہے اور اسى طرح کى اور باتیں بھى لکھى ہیں_
لیکن اگر ہم ان تمام بیانات کو مبالغہ آمیز بھى سمجھ لیں پھر بھى ہم اس حقیقت سے انکار نہیں کرسکتے کہ نمائشے دولت کے لئے اس کے پاس بہت ساز و سامان تھا_

(1)سورہ قصص آیت79