مسئلہ ۱۶۲۵: بھیڑ گائے، اونٹ کی زکوة میں پہلے بیان کئے گئے شرائط کے علاوہ یہ بھی ضروری ہے کہ وہ بیکار ہوں (یعنی ان سے باربرداری و غیرہ کا کام نہ لیاجاتاہو)اور اگر پورے سال میں دوچار مختلف دن کوئی کام لیا گیا ہو کہ وہ کام لینے میں شمار نہ ہوں تو زکوة واجب ہوگی۔
مسئلہ ۱۶۲۶: احتیاط واجب ہے کہ گائے، بھیڑ ، اونٹ اگر نصاب کی مقدار کے برابر ہوں تو ان کی زکوة دے چاہے وہ جنگل میں چرتے ہوں یا ہاتھ سے ان کو چارہ دیا جاتا ہویا کبھی جنگل میں چرتے ہوں اور کبھی چارہ دیا جاتاہو۔
مسئلہ ۱۶۲۷: اگر حیوانوں کے چرنے کے لئے کوئی ایسی چراگاہ خریدے جس کو کسی نے لگایا ہو یا اس کو کرایہ پرلے یا اس میں چرانے پر کچھ خرچ کرنا پڑتا ہو تب بھی زکوة دے۔