مسئلہ ۱۳۶۰: اگر غلیظ غبار حلق میں پہونچ کر مٹی ہوجائے اور پیٹ میں چلا جائے تو ایسے غبار کو حلق تک پہونچانے سے روزہ باطل ہوجاتاہے۔ اس صورت کے علاوہ روزہ صحیح ہے چاہے غبار ایسی چیز ہو جس کا کھا نا حلال ہو مثلا آٹایا حرام ہو (مثلا مٹی)
مسئلہ ۱۳۶۱: اگر ہوا یا جھاڈ و دینے سے غلیظ غبار اٹھے اور احتیاط نہ کرنے کی وجہ سے حلق میں پہونچ جائے تو روزہ (اس تفصیل کے ساتھ جو اس مسئلہ سے پہلے والے مسئلہ میں بیان کی گئی ہے) باطل ہوجاتا ہے۔
مسئلہ ۱۳۶۲: احتیاط واجب ہے کہ روزہ دار سگریٹ تمباکو و دیگر دخانیات کے استعمال سے پرہیز کرے اور غلیظ بھاپ بھی حلق میں نہ پہو نچائے۔ البتہ حمام جانے میں کوئی اشکال نہیں ہے۔ اگرچہ حمام کے اندر بھاپ بھری ہو۔
مسئلہ ۱۳۶۳: اگر اپنے روزہ دار ہونے کو بھول جائے اور احتیاط نہ کرے یا بے اختیار اور بغیر ارادہ غبار اور اس قسم کی کوئی چیز حلق میں پہونچ جائے تو روزہ باطل نہیں ہوتا۔
مسئلہ ۱۳۶۴: جہاں انسان کو گمان ہو کہ غبار یا دھواں حلق میں چلا جائے گا تو احتیاط کرے۔ لیکن اگر یقین یا گمان ہو کہ حلق تک نہ پہونچے گا تو روزہ صحیح ہے۔