مسئلہ۱۲۴۲ : اگر امام و ماموم میں یا خود مامومین میں ایک یا چند قدم کا فاصلہ اس طرح ہو کہ اس کو جماعت کہیں تو کوئی حرج نہیں ہے اس لئے اگر ایسے ایک یا دو آدمیوں کا فاصلہ ہوجائے جو نماز نہیں پڑھ رہے ہیں تو کوئی حرج نہیں ہے۔ لیکن مستحب یہی ہے کہ صفیں مکمل طور سے متصل ہوں۔
مسئلہ ۱۲۴۳ : امام جب تکبیر کہہ کر نماز میں داخل ہو تو اگر اگلی صفیں آمادہ نماز ہوں تو سب ہی تکبیر کہہ کر نماز میں داخل ہوسکتے ہیں، یہ ضروری نہیں ہے کہ جب تک اگلی صفوں والے نماز میں داخل نہ ہوجائیں لوگ انتظار کرتے رہیں، بلکہ انتظار کرنا خلاف احتیاط ہے۔
مسئلہ ۱۲۴۴ : اگر یہ معلوم ہو کہ اگلی صفوں میں سے کسی ایک صف کی نماز باطل ہے تو اگر آگے کی صف حائل ہو تو بعد والی صفوں کے لوگ اقتدا نہیں کرسکتے۔