مسئلہ ۱۱۰۰: اگر کسی چیز کو غلط پڑھ کر دوبارہ صحیح پڑھے تو اس سے سجدہ سہو واجب نہیں ہوتا۔
مسئلہ ۱۱۰۱: اگر نماز میں چند کلمے یا چند جملے اس طرح کہے کہ نماز گزار کی صورت سے خارج نہ ہو اور وہ سب ایک ہی شمار کئے جائیں تو سب کے لئے دو سجدہ سہو کافی ہے۔
مسئلہ ۱۱۰۲ : اگر اشتباہا السلام علیک ایہا النبی و رحمة اللہ و برکاتہ کو کہدے تو سجدہ سہو واجب نہیں ہے بلکہ مستحب ہے۔ لیکن دوسرے دونوں سلاموں کے کچھ حصہ کو بھی کہہ دے تو احتیاط واجب ہے کہ سجدہ سہو کرے اور اگر کسی ایسی جگہ پر جہاں سلام نہ کہنا چاہئے اشتباہا تینوں سلام کہہ دے تو سب کے لئے دو سجدہ سہو کافی ہیں۔
مسئلہ ۱۱۰۳ : اگر واجب سجدہ سہو کو عمدا نماز کے سلام کے بعد بجا نہ لائے تو گناہ گار ہے جتنی بھی جلدی ہوسکے بجالائے لیکن اس سے نماز باطل نہیں ہوتی۔
مسئلہ ۱۱۰۴ : اگر یہ شک ہو کہ کوئی ایسا کام انجام دیا ہے یا نہیں کہ جس سے سجدہ سہو واجب ہوجائے تو اس پر کوئی چیز واجب نہیں ہے اور اگر شک ہو کہ اس پر دو سجدہ سہو واجب ہوئے ہیں یاچار تو صرف دو سجدہ سہو کا بجالانا کافی ہے۔