مسئلہ ۵۷۲ ۔ واجبات عمرہ میں دوسرا نمبر طواف کا ہے ، طواف یعنی خانہٴ کعبہ کے گرد سات مرتبہ چکر لگانا کہ حج اور عمرہ دونوں میں واجب ہے ( عمرہ میں ایک بار ، حج میں دوبار ) .
مسئلہ ۵۷۳ ۔ طواف عمرہ کے ارکان سے ہے ، بنا بر این اگر کوئی اس کو عمدا ترک کرے اور جب تک کہ اس کا وقت باقی ہے بجا نہ لائے ، اس کا عمرہ باطل ہوجا ئے گا خواہ عالم مسئلہ ہو یا جاہل اور احتیاط یہ ہے کہ ایسا شخص حج افراد بجا لائے اور عمرہ کو حج کے بعد انجام دے اور اپنے حج کو سال آئندہ بھی اعادہ کرے .
مسئلہ ۵۷۴ ۔ اگر طواف کو سہوا ترک کر دے ، تو جس وقت بھی یاد آئے ، لازم ہے اس کو بجا لائے اور اگر اپنے وطن واپس آگیا ہے اور دوبارہ مکہ نہیں جا سکتا یا شدید زحمتوں کے ساتھ جا سکتا ہے تو لازم ہے کہ قابل اطمینان شخص کو نائب بنائے .