سوال۔ ۴۵۲۔فوقانی منزل سے رمی جمرات کا کیا حکم ہے ؟
جواب :۔ ازدھام کے وقت جائز ہے ۔
سوال۴۵۳۔ کیا رمی جمرات میں صحیح و سالم اشخاص کی نیت میں رمی کے عمل کو انجام دیاجاسکتاہے ؟
جواب :۔ جائز نہیں ہے ۔
سوال۴۵۴۔ کیا خواتین نامحرم کے جسم سے مس ہونے سے بچنے کے لئے رمی جمرات کے لئے مردوں کو نائب بنا سکتی ہیں ؟
جواب :۔ عورت کو رمی کا عمل خود انجام دینا چاہئیے ۔
سوال ۴۵۵۔ مجھ جیسے لوگوں کے لئے دن کے وقت ،رمی کا عمل انجام دینا ، مقدور نہیں ہے ، کیا شب میں رمی جمرات کرسکتے ہیں، جو اب مثبت ہو نے کی صورت میں کیا میرے ساتھی بھی رات کے وقت رمی جمرات کرسکتے ہیں ؟
جواب :۔ آپ شب میں رمی جمرات کرسکتے ہیں لیکن آپ کے ساتھی قادر ہیں تو دن میں رمی کا عمل انجام دیں ۔
سوال ۴۵۶۔ کیاہاتھ کے علاوہ جیسے منھ ، پیر ، غلیل اور اسی طرح کی دیگر چیزوں کے ذیعہ، رمی کرنا جائز ہے ؟
جواب:۔ ہاتھ کے علاوہ کافی نہیں ہوگا۔