طلاب کے تبلیغی سفر کی وجہ سے ماہ مبارک رمضان میں حوزہ علمیہ کی چھٹی ہوجاتی ہے اور ان دنوں میں جوطلباء قم میں رہ جاتے ہیں میں ان کے لئے قرآن کریم کی تفسیر یا نہج البلاغہ کی شرح بیان کرتاہوں جس کا نتیجہ متعدد کتابوں کی شکل میں ظاہر ہوچکا ہے جن کو بعض علماء اور فضلاء نے جمع کیا ہے ،انہی میں سے ایک کتاب ”مثال ھای ز یبای قرآن “ ہے جو قرآن کریم کی ۶۰ مثالوں پر مشتمل ہے ، اسی طرح ”اخلاق اسلامی“ کتاب ہے جو مولائے کائنات امیر المومنین علی (علیہ السلام)کے خطبہ ہمام کی شرح ہے ، یہ کتاب متقین کے ۱۱۰ صفات پر مشتمل ہے ۔ اسی طرح دوسری کتاب ”آیات ولایت“ ہے جو اہل بیت عصمت و طہارت (علیہم السلام) کے فضائل،ولایت اور خلافت کی آیتوں پر مشتمل ہے ۔ دوسری کتاب ”از تو سوال می کنند“ ہے جس میں قرآن مجید سے متعلق وہ تمام سوالات ہیں جن کو پیغمبر اکرم (صلی اللہ علیہ و آلہ وسلم) سے پوچھا گیا ہے اور آپ نے ان کا جواب دیا ہے ۔
دوسرے معنوی اور بابرکت جلسے حضرت فاطمہ زہرا (سلام اللہ علیہا)کی شہادت کے ایام میں ہوتے ہیں جو میرے گھر پر ہی منعقد ہوتے ہیں ان جلسوں میں حضرت فاطمہ زہر (سلام اللہ علیہا) کے نورانی ناموں کے بارے میں بحث ہوتی ہے ان جلسوں کا نتیجہ ”زہرا برترین بانوی جہان“ کے نام سے ایک کتاب سامنے آئی ہے ۔