اسی طرح ہمت افزائی سے متعلق مرحوم آیة اللہ العظمی حجت(رحمہ اللہ) کا ایک واقعہ ہے جس کو استاد اس طرح بیان فرماتے ہیں:
ایک دفعہ مرحوم آیة اللہ العظمی حجت (خدا ان پر رحمت نازل کرے)نے اپنے درس میں اپنے طریقے کے مطابق سوال کیا اور کہا : جو بھی اس سوال کا جواب لائے گا میں اس کو انعام دوں گا ، کلاس کے بعد میں کتب خانہ گیا اور تھوڑی دیر تلاش کرنے کے بعد مجھے اس کا جواب مل گیا میں نے وہ جواب ان کی خدمت میں پیش کردیا میرے بعد ان کا ایک ہونہار اور مشہور دوسرا شاگرد بھی اس سوال کا جواب لے آیا ، انہوں نے فرمایا: تم سے پہلے ایک دوسرا طالب علم اس کا جواب لے آیا اور اس کے بعد انہوں نے ۱۰۰ تومان کہ جن کی اسوقت بہت اہمیت تھی (چونکہ اس وقت بہت سے شہریہ تین تومان سے زیادہ نہیں ہوتے تھے)مجھے انعام کے طور پر دئیے اور میری ہمت افزائی کی ۔