مسأله ۶۴ : دو جگہوں پر نجاست کےدور ہونے سے نجس چیز ، پاک ہوجاتی ہے اور اس کو پانی سے دھونے کی ضرورت نہیں ہے ۔
الف : جانور کا بدن : مثلا اگر مرغی نے نجس چیز کھائی ہے اور اس کی چونچ نجس ہوگئی ہے تو جب نجاست اس کی چونچ سے دور ہوجائے گی تو اس کی چونچ پاک ہوجائے گی ۔
ب : بدن کا اندرونی حصہ: جیسے منہ، ناک اور کان کے اندر کاحصہ۔ مثلا اگر مسواک کرتے وقت مسوڑوں سے خون آجائے اور خون زائل ہوجائے تو منہ کے اندر کا حصہ پاک ہوجاتا ہے اور کلی کرنے کی ضرورت نہیں ہے ۔ لیکن اگر مسواک پر خون لگ جائے تو احتیاط واجب کی بناء پر وہ نجس ہوجاتی ہے ، چاہے منہ کے اندر ہی کیوں نہ ہو ۔