Bu sözün mənası sərxoşluğa bənzər bir hal deməkdir. Bu hal hadisənin ağırlığından irəli gəlir və insanı şiddətli iztiraba salır, amma sərxoşluq deyil. Bu, bir keçid halıdır ki, mömin insan üçün də asan deyil. Çünki uzun illər bu bədənə öyrənmiş və ona bağlanmışdır.
Lakin şübhəsiz ki, bu dünyaya xüsusi məhəbbət bəsləyən insanların o dünyaya keçməsi ondan qat-qat çətin və sevdiklərindən əl üzmək daha çətindir.
 

Ayədə deyilir ki, "Onlar təslim və itaətkar olarlar."
Lakin bu an müxtəlif sözlər danışar, çirkin əməllərini danıb deyərlər: “Biz heç bir pis iş görmürdük”. Yəni, o qədər yalan danışmışlar ki, yalan vücudlarının bir hissəsinə çevrilmişdir.

Nisa” surəsinin 69-cu ayəsində deyilir ki, Allaha və Onun peyğəmbərinə itaət edənlər Allahın nemət verdiyi kəslərlə birlikdədirlər. Daha sonra bu cümləni izah etmək və Allahın nemət verdiyi insanların kimliyini bəyan etmək üçün dörd qisim insanlara toxunur. Onlar peyğəmbərlər, siddiqlər, şəhidlər və salehlərdir.

Qurani-kərimin ayələrindən aydın olur ki, Cənnətdə müxtəlif çaylar və bulaqlar var. Misal üçün bir ayədə deyilir ki, Təqvalılara vəd edilmiş Cənnətin vəsfi (belədir): Orada dad və ətiri qaçmamış saf sudan çaylar, tamı dəyişməmiş süddən çaylar, içənlər üçün büsbütün ləzzət olan şərabdan çaylar və saflaşdırılmış baldan çaylar vardır.

Quran ayəsində təkid olunur ki, bu şərab ağappaq, qatışığı olmayan və içənlər üçün başdan-başa ləzzət olan bir şərabdır. Bu şərabda nə bir baş ağrısı vardır, nə məstlik gətirər, nə də onun vasitəsilə ağılları başdan çıxar.

Qurani-Kərimin bəzi ayələrinə görə bu vəzifəni öhdəsinə götürmüş çox sayda mələklər var. Onlara insanların ruhlarını bu dünyadan o dünyaya köçürmək əmr olunmuşdur. Digər ayədə də bu vəzifənin ölüm mələyinə aid edildiyini görürük. Bəzi ayələrdə isə ruhun alınmasının Allahın özünə aid edildiyini (ruhların Allahın özü tərəfindən alındığını) görürük.

“Tur” surəsinin 21-ci ayəsindən başa düşülür ki, atalarının yolunu gedən, iman baxımından onların davamçısı olan övlad və zürriyyələr cənnətdə onlara qoşula biləcəklər:

 “İman gətirmiş və övladları imanda onlara tabe olmuş kəslərin övladlarını onlara qovuşduracaq və onların əməllərindən bir şey azaltmayacağıq.”