Quran ayəsində təkid olunur ki, bu şərab ağappaq, qatışığı olmayan və içənlər üçün başdan-başa ləzzət olan bir şərabdır. Bu şərabda nə bir baş ağrısı vardır, nə məstlik gətirər, nə də onun vasitəsilə ağılları başdan çıxar.

Qurani-kərimin ayələrindən aydın olur ki, Cənnətdə müxtəlif çaylar və bulaqlar var. Misal üçün bir ayədə deyilir ki, Təqvalılara vəd edilmiş Cənnətin vəsfi (belədir): Orada dad və ətiri qaçmamış saf sudan çaylar, tamı dəyişməmiş süddən çaylar, içənlər üçün büsbütün ləzzət olan şərabdan çaylar və saflaşdırılmış baldan çaylar vardır.

“Tur” surəsinin 21-ci ayəsindən başa düşülür ki, atalarının yolunu gedən, iman baxımından onların davamçısı olan övlad və zürriyyələr cənnətdə onlara qoşula biləcəklər:

 “İman gətirmiş və övladları imanda onlara tabe olmuş kəslərin övladlarını onlara qovuşduracaq və onların əməllərindən bir şey azaltmayacağıq.”

Nisa” surəsinin 69-cu ayəsində deyilir ki, Allaha və Onun peyğəmbərinə itaət edənlər Allahın nemət verdiyi kəslərlə birlikdədirlər. Daha sonra bu cümləni izah etmək və Allahın nemət verdiyi insanların kimliyini bəyan etmək üçün dörd qisim insanlara toxunur. Onlar peyğəmbərlər, siddiqlər, şəhidlər və salehlərdir.