Mərhəmət dini - İslam maarifi və əqidəvi şübhələrə cavab

Quran ayəsindən aydın olur ki, onları zillət və xarlıq içində, qorxudan düşdükləri itaətkar bir vəziyyətdə cəhənnəm oduna göstərərlər."

 

“Şura” surəsinin 45-ci ayəsində bu suala cavab tapmaq olar. Ayədə belə buyurulur:

وَ تَراهُمْ یُعْرَضُونَ عَلَیْها خاشِعِینَ مِنَ الذُّلِّ یَنْظُرُونَ مِنْ طَرْف خَفِیّ

"Onları zillət və xarlıq halında itaətkarlıqla (qorxudan) gözaltı baxa-baxa oda göstərilən görəcəksən."

Qorxu və iztirab onların bütün vücudlarına hakimdir. Varlıqlarını başdan-başa xarlıq və acizlik bürümüşdür. Artıq o təkəbbür, lovğalıq, inadkarlıq, tüğyan, zülm, diktatorluq, məzlumlara əzab-əziyyət verməkdən heç bir xəbər yoxdur. Onlar, altdan-altdan Cəhənnəm oduna tərəf boylanırlar.

Bu, bir şeydən çox qorxan, amma gözlərini tam açıb onu görmək istəməyən, eyni halda ondan yayına da bilməyən, çarəsiz qalıb həmişə gözünün ucu ilə gizlincə özünü ondan gözləyən bir insanın halının təsviridir.
Bəzi təfsirçilər demişlər ki, “Tərfun xəfiyy” dedikdə burada onların yarıaçıq gözlərlə baxması nəzərdə tutulur. Çünki şiddətli qorxunun gücündən gözlərini tam açmağa qadir deyillər. Yaxud da o qədər zəifdirlər ki, hətta gözlərini tam açmağa halları yoxdur. İnsanın halı əgər oda daxil olmazdan öncə belə olsa, görün, cəhənnəmə tam girəndən və ağrılı əzaba düçar olandan sonra başına nələr gələcək?