Təfsirlərin birinə görə cəhənnəmin qapıları dedikdə, cənnətin qapıları kimi insanı cəhənnəmə sürükləyən amillər nəzərdə tutulur. Günahlardan hər biri və xeyir əməllərdən hər biri bir qapı hesab edilir. Hədislərdə də bu məsələyə işarə olunmuşdur. Bu təfsirə əsasən 7 ədədi sayı deyil, çoxluğu göstərmək üçündür.

Quran ayəsindən aydın olur ki, onları zillət və xarlıq içində, qorxudan düşdükləri itaətkar bir vəziyyətdə cəhənnəm oduna göstərərlər."

 

“Haqqə” surəsində bu məsələyə işarə olunur:

 “Onu tutun və qandallayın. Sonra da onu şölələnmiş oda atıb yandırın!”.

Məhəmməd peyğəmbərindən (s) nəql olunur: "Cəhənnəm əhli cəhənnəmdə olan zaman bir qrup günahkar müsəlmanı da onlara qatarlar. Kafirlər onlara deyərlər:
−Məgər siz müsəlman deyildiniz?
−Bəli, müsəlman idik!
−Elə isə, sizin islamınızın sizə heç bir xeyri dəymədi! Siz də bizimlə bir yerdəsiniz.
−Bizim (böyük) günahlarımız var idi. O günahlara görə bu aqibətə düçar olmuşuq.
(Onların günahlarına etiraf etmələri və düşmənin məzəmməti səbəb olur ki,) Allah-taala əmr edir, cəhənnəmdə olan bütün imanlı və müsəlman şəxslər oradan çıxarılsın. Vəziyyəti belə görən kafirlər deyərlər: “Ey kaş, biz də İslamı qəbul edəydik!”

Quran ayəsində cəhənnəm əhli cənnət əhlindən su və ya digər nemətlər istəyəndə cənnətdəkilər onların bu istəyini rədd edərək deyərlər: “Həqiqətən, Allah onları kafirlərə haram etmişdir.”

Quran ayələrinə görə axirətdə günahkarlar mömin insanlardan yardım istəyərək deyərlər: “Bizə tərəf baxın ki, iman və saleh əməllərinizin nurundan işıq götürək!" Həmçinin digər ayələrdə də buna oxşar xahişlər diqqət çəkir. Lakin bu misallarda onlara verilən cavablar mənfidir.

 

“Muminun” surəsinin 107-ci ayəsində həmin insanların dilindən deyilir:

“Ey Rəbbimiz, bizi buradan çıxar. Əgər bir daha (günahlara) qayıtsaq, deməli onda mütləq zalımıq.”

Ayələrdən aydın olur ki, bütün dünyanı versələr də onlardan qəbul olunmayacaq. Cəzanın ağırlığı barədə təsəvvür yaratmaq üçün bundan gözəl misal ola bilməz ki, bir insan yer üzündə olan hər şeyə və yaxud ondan iki dəfə çoxuna sahib olsun və özünü xilas etmək üçün onun hamısını versin, amma heç bir faydası olmasın.

Bu ayələrdə kafirlər üçün nəzərdə tutulan dörd cür əzabdan söz açır.

1. “Beləliklə küfr edənlər üçün atəşdən paltar biçilmişdir.”
2. “(Cəhənnəmdə) onların başlarına qaynar su (həmim) tökülür.”
3. “O su ilə qarınlarında olanlar və dəriləri əridiləcəkdir.”
4. “Və onlar üçün dəmir şallaq və yaxud toppuzlar vardır.”
 

“Əraf” surəsindən də bu əlaqəni aydın şəkildə başa düşmək olur. Ayədə deyilir:

"Və Cənnət əhli Cəhənnəm əhlini səsləyəcəklər ki: “Biz Rəbbimizin bizə vəd etdiyini doğru və sabit gördük, siz də Rəbbinizin sizə vəd etdiyi şeyi haqq və sabit gördünüzmü?”. Deyəcəklər: “Bəli!” Belə olduqda, onların arasında bir carçı səslənəcək ki: “Allahın lənəti olsun zalımlara!”