Nəql olunanlara görə xəlifə, oğru uşağın həddi-buluğa çatıb-çatmamasını öyrənmək üçün onun boyunu qarışla ölçməyi əmr etdi. Lakin şəriətdə həddi-buluğ üçün belə bir əlamət yoxdur.

Rəvayətə görə ikinci xəlifə şərab içmiş şəxsə vurulacaq şallaqların sayını azaltdı.

“İbtila” ayəsində təkid olunur ki, bu əhd-peymanlar və ilahi mənsəblər yalnız zülm və günah qarşısında daxili qoruyucu amilə malik olan şəxslərə verilir. Çünki imamət bir şəxsə verildikdən sonra səlahiyyəti olmadığı məlum olduğu üçün geri alınan ticarət malı deyildir ki, həmin şəxs səhvə yol verdikdən və ya günah işlətdikdən sonra ondan geri alınmış olsun.

“Raşidin xəlifələrin sünnəsinə tabe olun” hədisi müsəlmanlar arasında yekdilliklə qəbul olunmuş bir hədisdir. Lakin xəlifələrin kimlər olduğu haqqında fikir ayrılığı var. Şiə əqidəsinə görə yalnız Əhli-beytdən olan  məsum şəxslər bu hədisdəki “xəlifələr” sözünə uyğun gəlir. Əhli-sünnətin aradıqları xilafəti sübut etmək üçün bu hədisə istinad etmək düzgün deyildir.