Bu hədis Əli ibn Cəmil Rəqqinin düzəltdiyi saxta hədislərdəndir. Təbəranı onu nəql edərək yazır: “Bu hədis saxtadır. Əli ibn Cəmil həddindən artıq özündən hədis uyduran adamdır. Bu hədisi yalnız o nəql etmiş, Məruf ibn Əbi Məruf Bəlxi və Əziz ibn Əmr Xorasani – o da saxta hədis düzəldən bir adam olmuşdur – də bunu ondan oğurlamışlar.”

Buxari həmin babi “Əbubəkrin qapısından başqa bütün qapıları bağlayın” ünvanı ilə qeyd etmiş, “xuxə” (pəncərə) kəlməsinin yerinə “bab” (qapı) kəlməsini işlətmişdir.

“Bəraət” surəsinin on ayəsi nazil olan zaman Peyğəmbər (s) Əbubəkri çağırdı və bu ayələri elan etmək üçün onu Məkkəyə yolladı. Sonra Əlini (ə) çağırıb buyurdu: “Özünü Əbubəkrə çatdır, hər yerdə görsən, məktubu ondan al və Məkkə əhlinə doğru gedib onlara elan et.” Bu rəvayət bir çox mənbələrdə qeyd olunmuşdur.

“Əbubəkrin pəncərəsi” hədisinin sənədində Fuleyh ibn Süleyman vardır. Nisai yazır: “O, etibarlı adam hesab olunmur.” Həmçinin Zəhəbi, İbn Müinin, Əbu Hatəmin və Nisainin onun barəsində həmin təbiri işlətdiyini demişdir.