سوال نمبر ۱۹۵: جوگیس اور لائٹ غیر قانونی (یعنی حکومت کی اجازت کے بغیر استعمال کی جارہی )ہواس کی روشنی میں نماز کا پڑھنا اور قرآن کی تلاوت کرنے کا حکم کیا ہے ؟
جواب : اس طرح کی غیر قانونی چیزوں کا استعمال، جائز نہیں ہے لیکن اس میں نماز پڑھنا اشکال تو نہیں ہے، البتہ قرآن کی تلاوت کرنے میں اشکال ہے ۔
سوال نمبر ۱۹۶: اگر گلی اور کوچے کے راستہ کے اوپر (چھت اور سائبان ڈا ل کر) کوئی شخص زبردستی قبضة کرکے اس پر دو کمرہ بنالے ، یا اس کو اپنے گھر میں شامل کرلے تو اس میں نماز اور دوسرے نیک امور کا انجام دینا کیسا ہے ؟
جواب : اگر آنے جانے والوں کو زحمت نہ ہو یاان علاقوں میں گلیوں کے اوپر کمرہ بنانا معمول ہو ( جیسا کہ زمانہ قدیم میں معمول تھا ) تو اشکال نہیں ہے اگر ایسا نہ ہو تو جائز نہیں ہے ۔
سوال نمبر ۱۹۷: جس صحراء یا کھیت کی گھیرابندی نہ ہوئی ہو مگر اس کا مالک ہو تو اس میں کیا انسان نماز پڑھ سکتا ہے ؟ یا جس کھیت میں ٹیوبلچل رہا ہو کیااس کے پانی کو استعمال کیا جاسکتا ہے ؟
جواب : اگر کسی مزاحمت اور بربادی کا خطرہ نہ ہو تو ممانعت نہیں ہے ۔