سوال نمبر ۱۸۱: میں ایران و عراق کی جنگ میں زخمی ہواہوں ، میں یہ چاہتا ہوں کہ دن ورات اور سوتے وقت بھی وضو سے رہوں،چونکہ وضو کرنا میرے لیے بہت مشکل ہے لہذاکیا میں تیمم کرسکتا ہوں ؟
جواب : اگر وضو زیادہ مشکل کا باعث ہورہا ہو تو تیمم کریں ۔
سوال نمبر ۱۸۲: میں جنگ کا معلول سپاہی ہوں ، میری عادت ہمیشہ وضو سے رہنے کی ہے مگر بعض اوقات طبیعت کی ناسازگاری کی وجہ سے ، میں مستحبی وضو نہیں کرسکتا ہوں ، کیا میں تیمم کرسکتا ہوں ؟اس صورت میں کیا مجھے مستحبی وضو کا ثواب حاصل ہوگا ؟ اس سے کیا میں مستحبی نمازیں پڑھ سکتا ہوں ؟
جواب : کوئی حرج نہیں ہے اور آپ کو مستحبی وضو کا ثواب انشاء اللہ ملے گا اور اس سے مستحبی نمازوں کو پڑھ سکتے ہیں ۔
سوال نمبر ۱۸۳: میں جانباز ہوں ، میری عادت ہمیشہ وضو سے رہنے کی ہے لیکن بعض اوقات طبیعت کی ناسازی ، یا مشکلات کی وجہ سے میں وضو یا مٹی پر تیمم نہیں کرسکتا ہوں ۔ کیا کپڑا یا اپنے پاس موجودلحاف وغیرہ جیسی اشیاء پر تیمم کرسکتا ہوں ؟
جواب : ایک پاک پتھر کے ٹکڑے کے اوپر تیمم کرلیں ۔