حضرت ابراہیم علیہ السلام کب مبعوث نبوت ہوئے، اس سلسلے میں ہمارے پاس کوئی واضح دلیل موجود نہیں ہے_ البتہ سورہ مریم سے بس اتنا معلوم ہوتا ہے کہ جب آپ(ع) نے اپنے چچا آزر سے بحث چھیڑى تو آپ (ع) مقام نبوت پر فائز ہوچکے تھے_ آیت کہتى ہے کہ :''اس کتاب میں ابراہیم علیہ السلام کو یاد کرو،وہ خداکا بہت ہى سچا نبى تھا_جب اس نے اپنے باپ(چچا) سے کہا:''اے بابا تو ایسى چیز کى کیوں عبادت کرتا ہے کہ جو نہ سنتى ہے اور نہ ہى دیکھتى ہے اور تیرى کوئی مشکل بھى حل نہیں کرتی''_(1)
ہم جانتے ہیں کہ یہ واقعہ بت پرستوں کے ساتھ شدید معرکہ آرائی اور آپ کو آگ میں ڈالے جانے سے پہلے کا ہے_ بعض م ورخین نے لکھا ہے کہ آگ میں ڈالے جانے کے وقت حضرت ابراہیم علیہ السلام کى عمر 16/سال تھی_ ہم اس کے ساتھ یہ اضافہ کرتے ہیں کہ یہ عظیم کار رسالت آغاز نوجوانى میں آپ(ع) کے دوش پر آن پڑا تھا_
(1)سورہ مریم آیت 41/42