۵۷ وَمَنْ اٴَظْلَمُ مِمَّنْ ذُکِّرَ بِآیَاتِ رَبِّہِ فَاٴَعْرَضَ عَنْھَا وَنَسِیَ مَا قَدَّمَتْ یَدَاہُ إِنَّا جَعَلْنَا عَلیٰ قُلُوبِھِمْ اٴَکِنَّةً اٴَنْ یَفْقَھُوہُ وَفِی آذَانِھِمْ وَقْرًا وَإِنْ تَدْعُھُمْ إِلَی الْھُدیٰ فَلَنْ یَھْتَدُوا إِذًا اٴَبَدًا
۵۸ وَرَبُّکَ الْغَفُورُ ذُو الرَّحْمَةِ لَوْ یُؤَاخِذُھُمْ بِمَا کَسَبُوا لَعَجَّلَ لَھُمَ الْعَذَابَ بَلْ لَھُمْ مَوْعِدٌ لَنْ یَجِدُوا مِنْ دُونِہِ مَوْئِلًا
۵۹ وَتِلْکَ الْقُریٰ اٴَھْلَکْنَاھُمْ لَمَّا ظَلَمُوا وَجَعَلْنَا لِمَھْلِکِھِمْ مَوْعِدًا
ترجمہ
۵۷۔ان سے بڑھ کر کون ظالم ہے کہ جنھیں پروردگار کی آیات یاد دلائی جاتی ہیں تو وہ منہ پھیر لیتے ہیں اور جو کچھ انھوں نے اپنے ہاتھ سے کیا ہوتا ہے اسے بھول جاتے ہیں ۔ ان کے دلوں پر ہم نے پردہ ڈال دیا ہے تاکہ وہ کچھ نہ سمجھیں اور ان کے کان ہم نے بھاری کردیئے ہیں (تاکہ انھیں آوازِ حق سنائی نہ دے) یہی وجہ ہے کہ اگر تم انھیں ہدایت کی طرف پکارو گے تو وہ ہرگز ہدایت حاصل نہیں کریں گے ۔
۵۸۔ اور تیرا رب بخشنے والا اور صاحبِ رحمت ہے اگر وہ انھیں ان کے اعمال کی سزا دینا چاہتا تو ان کے لیے فوراً عذاب بھیج دیتا لیکن ان کے لیے ایک وعدہ گاہ ہے کہ جہاں پہنچنے سے وہ رہ نہیں سکتے ۔
۵۹۔ یہ قریے اور آبادیاں (جنھیں تم اپنی آنکھوں سے دیکھ رہے ہو) وہ ہیں کہ جب انھوں نے ظلم کیا تو ہم نے انھیں ہلاک کردیا (اور پھر بھی) ان کے ہلاکت کے لیے ہم نے میعاد مقرر کردی ۔
