ہمارا وظیفہ یہ ہے کہ ہم لوگوں کو یہ بتائیں کہ اولیاء اللہ اور نیک لوگوں سے توسل
صرف کافی نہیں ہے ،حقیقت میں توسل ہمارے لئے ایک درس ہے کہ کیوں ہم انہیں اپنا
وسیلہ بنائیں؟ ہاں ! اسلئے کہ وہ خدا کی بارگاہ میں عزیز ہیں ۔
وہ کیوں خدا کی بارگاہ میں عزیز ہیں؟ ہاں! اس لئے کہ انھوں نے نیک اعمال انجام دیئے
ہیں لہذا ہمارا فریضہ ہے کہ ہم نیک اعمال انجام دیں ، توسل ہمیں یہ سکھاتا ہے کہ
خدا کا تقرب نیک اعمال کے ذریعہ حاصل کیا جاسکتا ہے اور اولیاء اللہ سے توسل صرف
اور صرف ان کے نیک اعمال کی وجہ سے ہے ۔
انہیں اعمال کی بنیاد پر وہ خدا کے مقرب بندے بنے ہیں اور ہم ان سے التجاء کرتے ہیں
کہ وہ خدا کی بارگاہ میں ہماری شفاعت کریں ۔
لہذا ہمیں بھی وہی راستہ اپنانا ہوگا جسے ان لوگوں نے طے کیا ہے ، توسل کو ایک
انسان ساز مکتب اور تربیت کرنے والے مرکز کی حیثیت دینا ہوگی ، یہ ایک ایسا مہم کام
ہے جس کابیڑا ہر ایک کو اٹھانا ہوگا ۔