بعض متعصب اہلسنت صحابہ کو اس قدر مقدس مانتے ہیں کہ اگر کوئی ان کی ذات پر نقدکرے
تو فوراً اسے فاسق اور ملحد یا اس کے خون کو مباح قراردے دیتے ہیں ۔
جیسا کہ ابو زرعہ رازی کی کتاب الاصابة میں آیا ہے : جب بھی کسی کو صحابہ کے
خلاف بولتے دیکھنا تو اسے زندیق سمجھنا اسلئے کہ رسول(صلی الله علیه و آله
وسلم)اورقرآن حق ہیں اور جوکچھ وہ لائے ہیں وہ بھی حق ہے لہٰذاجو کچھ ہمارے پاس اس
وقت ہے اسے صحابہ لائے ہیں ، اور یہ ( مخالفین) ہمارے شہود کو بے اعتبار بنادینا
چاہتے ہیں تاکہ کتاب اور سنت ختم ہوجائے ۔
عبد اللہ موصلی اپنی کتاب حتی لاننخدع میں تحریر کرتے ہیں : وہ ( صحابہ)
ایسے لوگ تھے کہ جنہیں خدا نے رسول اللہ (صلی الله علیه و آله وسلم)کا ہمنشین
بنایاتھا اورانہیں دین کو قائم کرنے اور اسے پھیلانے کے لئے انتخاب کیا، انہیں
پیغمبر(صلی الله علیه و آله وسلم)کا وزیر بنایا اور ان کے دین و ایمان سے محبت کو
ایمان اور ان سے بغض کو کفر و نفاق قرار دیا بلکہ امت پر واجب کردیا کہ انہیں دوست
رکھیں اوربرابر ان کے فضائل و مناقب بیان کرتے رہیں اور اگر ان کے درمیان کوئی
جھگڑا اور جنگ وغیرہ بھی ہوتو اسے بیان نہ کریں ۔
جب کہ یہ بات کتاب و سنت کے خلاف ہے اور ہم عنقریب اپنے اس مدعا کو ثابت کریں گے ۔
(1) الاصابہ ، جلد 1، ص 17_
(2) حتى لاننخدع ، ص 2_