Həcc ziyarəti müqəddəs İslamın sütunlarından və dini vaciblərdən biridir. Qurani-kərim kiçik, amma dolğun mənalı bir cümləsində buyurur:

“وَ لِلّه عَلَى النّاسِ حِجُّ الْبَیْتِ مَنِ اسْتَطاعَ اِلَیْهِ سَبیلاً”

“Getməyə imkanı çatan hər bir kəsə Allah üçün Onun evinə getməsi vacibdir”.
Elə həmin ayənin davamında da buyurur ki, “Kim imtina etsə (həcci tərk etsə, özünü ziyana salmışdır). Allah heç kəsə möhtac deyil!”.
İslamın bu böyük sütunu zəngin bir əhkama malikdir. Həcc əməlini yerinə yetirən hər bir kəs bu əhkamı lazımınca mənimsəyərək ona əməl etməlidir.
Ayətullah Məkarim Şirazinin baş ofisi tərəfindən də hər il olduğu kimi əziz hacılara xidmət göstərmək məqsədilə böyük müctehidin nümayəndəliyi təşkil olunur. Hacıların, ruhanilərin suallarına cavab vermək məqsədi ilə alimlərdən ibarət nümayəndə heyəti ezam olunur.
Bundan öncə, hacıların uçuşlarının başlanması ilə Ayətullah Məkarimin ofisi Mədinə şəhərində fəaliyyət göstərirdi. İndi isə Həcc mövsümünün yaxınlaşması səbəbi ilə və keçən illərə nisbətdə möhtərəm hacıların çoxluğunu nəzərə alaraq müqəddəs Məkkə şəhərində də böyük məqamlı müctehidin ofisi açılıb.

Müqəddəs Mədinə şəhərindəki ofisin ünvanı:
“Culnar təyyibə” oteli. (Gulnar Taiba Hotel) Bəqi təhcizat idarəsinin qarşısı - “Culnar təyyibə” oteli - birinci mərtəbə, 101 və 102-ci otaqlar. (Ofisin iş müddəti avqust ayının 23-ə kimi olacaq).
Müqəddəs Məkkə şəhərindəki ofisin ünvanı:
“Sidrətul-ehsan” oteli, Əziziyyə, “Dar Hadi” otelinə çatmamış, Qətəri məscidinin qarşısında (Məkkədə olan ofisin fəaliyyəti avqust ayının 23-dən sentyabrın 6-a qədərdir).

Yayım tarixi: 12/08/2017