Camaata bu məsələni öyətmək lazımdır ki, övliyaullaha, saleh şəxslərə təvəssül eməklə qənaətlənmək olmaz. Ümumiyyətlə, təvəssül bizim üçün bir dərsdir: onlara nə üçün təvəssül edirik? – Buna görə ki, Allah dərgahında əziz insanlardır. Nə üçün əzizdirlər? – Onların saleh əməllərinə görə. Deməli, biz də saleh əməllərə doğru getməliyik. Təvəssül bizə öyrədir ki, Allah dərgahına yaxınlaşmaq yalnız saleh əməllərlə ola bilər, övliyaullaha təvəssül etmək də onların saleh əməlləri xatirinədir. Onlar Allah dərgahına yaxınlaşmışlar, biz də onlardan istəyirik ki, Allah dərgahında bizim üçün vasitəçilik etsinlər. Deməli, biz də çalışmalıyıq ki, onların getdiyi yolu davam etdirə bilək. Təvəssül insan yaradan, onun ruhunu tərbiyə edən bir məktəbə çevrilməlidir ki, təvəssül mərhələsində dayanmayaq, təvəssülün ali hədəflərini unutmayaq, bu da hamının diqqət yetirməli olduğu bir məsələdir.