Buxari öz “Səhih”ində nəql edir ki, Mədinədə qəhətlik olan zaman Ömər ibni Xəttab Peyğəmbər (səlləllahu əleyhi və alih)-in əmisi Abbas ibni Əbdül-Müttəlibin vasitəsilə Allahdan yağış istədi. Onun dua zamanı dediyi sözlər belə idi:
Pərvərdigara! Biz öz Peyğəmbərimizə təvəssül edirdik, Sən də bizim üçün ne’mət göndərirdin. İndi isə Peyğəmbərimizin əmisinə təvəssül edirik, bizim üçün yağış göndər!
Ravi deyir ki, bunun ardınca çoxlu yağış yağmağa başladı.[1]
6-İbni Həcər Məkki “Əs-səvaiq” kitabında sünnülərin məşhur imamı imam Şafeidən nəql edir ki, o, Peyğəmbər (səlləllahu əleyhi və alih) Əhli-beytinə təvəssül edirdi. O, bu məşhur şe’rləri də onların barəsində demişdir:
آل النبی ذریعتی و هم الیه وسیلتی
ارجو بهم اعطی غدا بید الیمین صحیفتی
“Peyğəmbərin xanədanı mənim vəsiləmdir, onlar mənim Allah dərgahına yaxınlaşma vasitəmdir.
Ümidvaram ki, qiyamət günü onların vasitəsilə mənim əməl dəftərim sağ əlimə veriləcək”.
Bu hədisi “Ət-təvəssül ila həqiqətit-təvəssül” kitabının müəllifi Rəfai öz kitabında qeyd etmişdir.[2]
Təvəssül ilə əlaqədar çox ciddiyyətli, tələbkar olan həmin yazıçı müxtəlif sünnü mənbələrindən 26 hədis nəql etmişdir. Bu hədislərin bə’zilərinə irad tutmağa israr etməsinə baxmayaraq, bu hədislər təvatür həddində, yaxud təvatürə yaxındır. Onlar sünnülərin mö’təbər və məşhur kitablarında qeyd olunmuşdur və elə bir həddədir ki, ona irad tutula bilməz. Biz burada onların yalnız bir qismini zikr edirik, çünki o hədislərin həcmi çox böyükdür.
[1]«Səhihi Buxari», 2-ci cild, səh. 16, (Səlatul-istisqa babı)
[2] «Ət-təvəssül ila həqiqətit-təvəssül», səh. 329
