Sünnülərin «Sihah» və digər mö’təbər kitablarında yazılır ki, Peyğəmbərin əsrində, yaxud ondan sonrakı dövrlərdə bə’zi səhabələrə, böyük günahlara düçar olduqlarına görə şər’i hədd vurulmuşdur (cəza verilmişdir).
Belə isə, yenə də onların hamısının adil olduğunu deyirsiniz?! Onlardan heç bir xəta iş baş verməmişdir?! Bu necə ədalətdir ki, böyük günahlara mürtəkib olanlara şər’i hədd vurulur və onların üzərində cəza qanunları icra edilir, amma onların ədalətləri yenə də öz yerində möhkəm və sabit qalır?!
Aşağıda bir neçə nümunəni qeyd edirik:
a) Nəiman adlı bir səhabə şərab içdi, Peyğəmbər əmr etdi, ona şaallaq zərbəsi vurdular.[1]
b) Bəni-əsləm tayfasından bir kişi möhsinə zina etmişdi, Peyğəmbər onun daş-qalaq olunmasına hökm verdi.[2]
v) İfk hadisəsində Peyğəmbər göstəriş verdi ki, bir neçə nəfərə qəzf həddi vursunlar.[3]
q) Peyğəmbərdən sonra Əbdür-Rəhman ibni Ömər və Üqbə ibni Haris (o, Bədrdə iştirak etmişdi) şərab içdi və Misirin valisi Əmr ibni As ona şər’i hədd vurdu, sonra Ömər öz oğlunu çağırıb bir daha hədd cari etdi.[4]
ğ) Vəlid ibni Üqbə şərab içib məst olmuş və elə o halda sübh namazına pişnamazlıq edərək onu dörd rəkət qılmışdı. Onu Mədinəyə çağırdılar və ona şərab içmə cəzası verildi.[5]
Bundan əlavə, çoxlu misallar da qeyd etmək olar ki, məsləhət onların zikr olunmamasındadır. Yenə də həqiqətlər qarşısında gözlərimizi bağlayaraq onların hamısının ədalətli olmasını deyəkmi?!
[1] «Səhihi Buxari», 8-ci cild, səh.13 6775-ci hədis, hədd kitabı.
[2] «Səhihi Buxari», 8-ci cild, səh.22 hədis 6820.
[3] «Əl-mö’cəmul-kəbir» 23-cü cild, səh.128 və s. kitablar
[4] «Sünəni kübra», 8-ci cild, səh.312 və digər kitablar.
[5] «Səhihi Müslüm», 5-ci cild, səh.126, hədis 1707.