Nifaq – eynilə təqiyyənin qarşılığıdır. Münafiq o kəsə deyilir ki, qəlbində İslamın əsaslarına e’tiqadı olmadığı, yaxud onda şəkk-şübhədə olduğu halda müsəlmanların arasında, müsəlman olduğunu desin.
Bizim dediyimiz təqiyyə isə bundan ibarətdir ki, batində düzgün İslami əqidəyə malik olsun, lakin bütün müsəlmanları kafir hesab edən, onlar üçün proqram hazırlayıb təhdid edən ifratçı vəhhabilərin bə’zi nəzərlərinə tabe olmasın. Əgər imanlı kəs canını, malını və namusunu qorumaq üçün öz əqidəsini bu təəssübkeş qrupdan gizlətsə təqiyyədir, bunun əksi isə nifaqdır.