Məsələ 2030: Daimi əqdin siğəsini oxumaq üçün qadının belə deməsi kafidir:
زَوَّجتُکَ نَفسِى علَى الصَّداَقِ المَعلُومِ
Zəvvəctukə nəfsi ’ələs-sədaqil-mə’lum - (yə’ni, özümü müəyyən olunmuş mehr müqabilində sənə arvad etdim).
Kişi də ondan sonra deyir:
قَبِلتُ التَزوِیجَ
Qəbiltut-təzvicə - (yə’ni, bu izdivacı qəbul etdim.)
Əgər başqasını bu işə vəkil etsə, qadının vəkilinin belə deməsi kafidir:
زَوَّجتُ مُوَکِّلَتِى مُوَکِّلَکَ عَلَى الصَّداَقِ المَعلُومِ
Zəvvəctu muvəkkiləti muvəkkiləkə ələs-sədaqil-mə’lum- (Yə’ni, öz müvəkkiləmi sənin müvəkkilimin arvadlığına, müəyyən edilmiş mehriyyə əsasında keçirtdim.)
Kişinin vəkili isə deyir:
قَبِلتُ لِمُوَکِّلى ...
(Mən də olduğu kimi müvəkkilim tərəfindən qəbul etdim.)
Qeyri-daimi əqdin oxunma qaydası
Məsələ 2031: Əgər qadın və kişinin özü qeyri-daimi siğə əqdini oxumaq istəsələr, müddəti və mehriyyəsi müəyyən olunduqdan sonra qadın
زَوَّجتُکَ نَفسىِ فِى المُدَّةِ المَعلُومَةِ عَلَى المَهرِ المَعلُومِ
Zəvvəctukə nəfsi fil muddətil-mə’luməti ələl-məhril-mə’lum – (Yə’ni, özümü müəyyən edilmiş müddət və mehriyyə əsasında sənin arvadın etdim). Sonra isə kişi zaman fasiləsi olmadan
قَبِلتُ
Qəbiltu –(bu evlənməni qəbul etdim.)
desə, kafidir. Əgər başqasını vəkil etsələr, əvvəlcə qadının vəkili kişinin vəkilinə
مَتَّعتُ لِمُوَکِّلَتِى مُوَکِّلَکَ فِى المُدَّةِ المَعلُومَةِ عَلَى المَهرِ المَعلُومِ
Məttə’tu limuvəkkiləti muvəkkiləkə fil-muddətil-mə’luməti ələl-məhril-mə’lum – (yə’ni, öz müvəkkilimi müəyyən edilmiş müddət və mehriyyə əsasında sənin müvəkkilimin zövcəsi etdim.) Sonra zaman fasiləsi olmadan kişinin vəkili
قَبِلتُ لِمُوَکِّلى هَکَذاَ
Qəbiltu limuvəkkili hakəza – (mən də öz müvəkkilim tərəfindən qəbul etdim.) desə, kafidir.