Övladın tərbiyəsi üçün üç mühit zəruridir:
1. Ata-ana qucağı – ailə ocağı;
2. Təhsil ocağı;
3. İctimai ocaq.
Övlad birinci və ikinci mühitdə məhdud təlim-tərbiyə görsə də, üçüncü mühit onun üzünə geniş üfüqlər açır və bu da onun inkişafı üçün böyük meydan sayılır. Müasir dövrdə küçə və xiyabanlarda baş verən yaramaz səhnələr, mətbuatda dərc olan əxlaqsız səhifələr, saxta eşq-məhəbbət və ehtirası artıran yazılar, haram şou yığıncaqları, pis dost və s. doğrudan da övladlarımızı hədələyir. Mühitlərin hansı biri korlanarsa, sözsüz, onların tərbiyəsi də bir o qədər problemlərlə üzləşir və o biri mühitlərin vəzifəsi ağırlaşır. Aydındır ki, onların arasında ailənin rolu hamısından ağır və mühümdür. Odur ki, müqəddəs İslam dinində övlad tərbiyəsi əsasən ata-ana ilə əlaqələndirilir və camaat da saleh, tərbiyəli, əxlaqlı bir cavanla üzləşdikdə, yaxud asayişi pozan əxlaqsız bir gənclə rastlaşdıqda, əvvəl onun valideynlərinə rəhmət və ya qarğış edir.
. “Kənzül-ümmal”, 16-cı cild, səh.456, hədis: 45409.
. “Ət-tibyan”, 4-cü cild, səh.514; “Kənzül-ümmal”, 16-cı cild, səh.45, hədis: 45411.