۵۱۔ وَ لَوْ تَری إِذْ فَزِعُوا فَلا فَوْتَ وَ اٴُخِذُوا مِنْ مَکانٍ قَریبٍ
۵۲۔وَ قالُوا آمَنَّا بِہِ وَ اٴَنَّی لَہُمُ التَّناوُشُ مِنْ مَکانٍ بَعیدٍ
۵۳۔وَ قَدْ کَفَرُوا بِہِ مِنْ قَبْلُ وَ یَقْذِفُونَ بِالْغَیْبِ مِنْ مَکانٍ بَعیدٍ
۵۴۔وَ حیلَ بَیْنَہُمْ وَ بَیْنَ ما یَشْتَہُونَ کَما فُعِلَ بِاٴَشْیاعِہِمْ مِنْ قَبْلُ إِنَّہُمْ کانُوا فی شَکٍّ مُریبٍ

ترجمہ

۵۱۔ اگر تُو اُسوقت دیکھے جبکہ ان کی فریاد بلند ہوگی ، لیکن وہ (عذابِ الہٰی کے پنجے سے ) بھاگ نہ سکیں گے ،اور وہ نز دیک کی جگہ (ایسی جگہ کہ جس کی انہیں امید تک نہ ہوگی ) سے پکڑلے جائیں گے ) توتُو ان کی بے بسی پرتعجب کرے گا ) ۔
۵۲۔ اور وہ (اس حالت میں ) یہ کہیں گے کہ ہم ایمان لائے ،لیکن وہ دُور کے فاصلے سے اس با ت پرکیسے رسائی حاصل کرسکیں گے ۔
۵۳۔ و ہ اس سے پہلے تو (جب کہ وہ انتہائی طور پر آزاد تھے ) اس سے کافر ہوگئے تھے ( اور اس کی طرف نارو ا نسبتیں دیاکرتے تھے ) اور دور ہی دور سے عالم ِ غیب کے بارے میں اٹکل پچو باتیں بنایاکرتے تھے ( اوراس کے لیے بغیر کسی غور و فکر کے فیصلے کیا کرتے تھے ) ۔
۵۴۔ (آخر کار ) ا ن کے اوران کی خواہشات ، تمنّاؤں ، آرزوؤں اور چا ہتوں کے درمیان جدائی ڈال دی گئی ، جیساکہ ان کے پیرو کاروں (اور ہم مسلکوں ) کے ساتھ اس سے پہلے کیاگیا تھا ،کیونکہ وہ شک وشبہ میں مبتلا تھے ۔